|
|
A on tratt incoeu
A on tratt, incoeu,
quand te spettavi pù,
quand nanca on fior
ormai ‘l saria fiorii
e ai alter coeur
cantava l’usignoeu....
passaa el foeugh de l’estaa
e negher temporaj
cont ona quaj s’ciarida
de bleu, ogni tant....
desmentegaa
i mè pass solitari
che strasciaven i foeuj
d’ona strada sarada....
deslengugaa, cont el temp,
anca el giazz color vioeula
ch’el strengeva i penser
come in d’ona preson....
a on tratt, incoeu,
t’hoo sentida rivà,
‘dasi te m’hee parlaa
con paroll che pareven
ona lingua foresta,
diventaa a pocch a pocch
ona dolza canzon,
primavera serena,
senza nanca on rondon.
|