Color

(Sonett per la mia sorella Vanda)
 

El noster bel mond l’è tutt coloraa
e i sò color, je copien i pittor,
anca in la vitta, hinn tanti i color,
però in la ment hinn domà immaginaa.


Verda o celesta, la tranquillità,
de la malinconia, gris l’è el color,
d’on ross scarlatt, l’emozion de l’amor,
gialda m’el sô l’è la felicità.


El bianch l’è nò color, ‘me ben se sa,
‘na preja negra invece l’è el dolor
che la te schiscia el coeur senza romor.


Perchè del giald l’è forta l’esplosion,
del pussée bel color la sensazion?
El riva dopo el negher, insperaa.