|
|
Dasi, dasi...
Dasi,dasi, con mì
paren piang
anca i pin che contornen la baia,
ma ‘l motor de la barca de pesca
el me dis che anca incoeu l’è de viv.
Però incoeu el se cambia in lament
quell’alegher cricch cracch sotta i pee,
cont el sô ch’el giugava a scondin
e ‘l me dava carezz delicaa
Ona veggia cornaggia la canta
col sò vers ch’el toeu in gir el dolor,
ai pivion che se dann el “Buondì”
s’inrabissen el coeur e la ment
e stanott scoltarò quel “cu-cu”
ossessiv nel silenzi pesant
senza nanca on respir a ninnamm...
lassù, inutil, i stell brillerann.
1990
|