|
|
E allora ti fa finta
E tì fa finta ch’el te
voeura ben,
che innamoraa l’è lù, compagn de tì,
che ai sò paroll d’amor el mett on fren,
per el timor de podé fass capì.
Lù el voraria davvera brasciatt sù,
ghe l’impediss soltant el sò pudor,
s’el te ved stracca, jutatt anca lù,
le ciappa, per on omm, on disonor.
E tì fa finta che quand te stee mal,
l’è vera nò che ghe ne importa nò,
ma forsi l’è nò bon de dimostrall,
magari el tò dolor l’è anca el sò.
E ti fa finta, per podé anmò viv,
che apôs de ogni robba negativa,
semper ghe n’è on’altra positiva:
cascia via donca i tò penser e scriv !
1985 |