|
|
El mè primm sonett
Prima, ogni tant,
ciappada dal magon,
cercavi on cantonin per piang in pas
e per podé sfogamm cont abandon,
ma ‘rent a lù, tiravi sù col nas.
Vorevi minga daggh la spiegazion
a lù, che essendo come San Tommas,
el cred ai fatti e minga ai emozion:
l’avaria dii che l’era minga el cas.
Inutil l’era fà batt e ribatt,
l’è bon de dimm domà ch’el me compiang,
col coeur che l’era negher ‘me on scorbatt,
savevi propri minga dove sbatt.
Poeu l’hoo trovaa el cantonin per piang:
me sari sù in cusina e lavi i piatt.
1986
|