El ragionat de l'amor

Gh’è on diploma in de ‘sta vitta
che l’è minga omologaa,
chi ghe l’ha, el laora gratis,
el voeur nanca vess pagaa.

Persuas e ben sicur,
soddisfaa del sò laorà,
el ragionatt de l’amor
el bilanc lù le fa “in pari”

Ross e negher/ dare e avere,
consili senza interess
per fà sì che la toa vitta
la risulta nò in passiv

e faa dent in del bilanc,
paroloni che rintronen
el cervell giamò confus:
dignità, decor e via...
el bilanc el dev quadrà!
Ma, scoltand el ragionatt
cont i sò paroll ch’hinn numer,
te domandet al tò coeur,
al tò coeur la verità.

Ross e negher/ dare e avere
e bilanc in parità...
Oh, mè bell scior ragionatt,
le sa lù, se l’è l’amor?

L’è ona robba talment bella,
che nissun la fa quadrà:
on consili, ragionatt:
proeuva a ves innamoraa!

                                          1987