Dopmezzdì d’april ch’el par november,
per i strad de Milan color del ferr,
el ciel l’è gris, i lus denter i cà
sotta i ombrej, facc e paltò tucc negher.

Perchè in del coeur gh’hoo nò malinconia?
I germoeuj verd in su i ramm me risponden,
cerchi i foppett de palta, ghe voo denter,
me s’cioppa foeura tutta l’allegria!

Dopo la curva, on ombrellon sbiavii
però, de sotta, come per magia,
di macc de giald, de ross e de turches,
ch’hinn giamò drée a pitturat, primavera!