L'è carneval

L’è carneval, gh’emm voeuja de giugà,
de divertiss on poo,
naturalment ghè quej
che riscen sù el sò nas
e disen che sti robb
hinn robb domà per fioeu.

Ma lì j hoo ben vardaa sti fiolettitt
truccaa de dama o de Pierrot,
me par che riden nò,
gh’hann nonamò l’età de mascherass.

Per lor, la vitta l’è fada a pois,
con tanti lus e tanti stell filant
che vegnen giò dal ciel.

La voeuia de fà i matt ‘na volta a l’ann
la ciappa quej ch’hinn grand,
la ciappa quej che gh’hann la nostra età.

Lor riden tutti i dì, nagott de regordà
o de desmentegà
Nun nò, semm grand!

Allora, forza gent, cantemm, ballemm,
fasemm i pirolett,
almen incoeu,
perchè per nun, doman,
l’è on alter carneval!