Mì e l'altra
 

Sarà che mì son matta,
cicciari indepermì,
ma forsi l’è nò vera
e son minga sincera.

Sarà che dent de mì
on’altra la me parla,
la cerca d’inzigamm:
con lee mì tacchi a lit.

A volt, l’è ‘na mia amisa
quand la me dis “sta quietta!”
A volt la s’inrabiss,
se mi la scolti nò.

Ogni tant la me fà:
“Cerca de ragionà,
se tutti fann inscì,
per tì, l’è tutt sbagliaa!...
 

Questione di principio,
forza de volontà...”
e giò sti paroloni
che me fann inversà.

Mi tacchi la TV,
oppur me metti a legg,
devi tornà padrona
di mè penser e azion

E finalment la s’cioppa
tutta ona ribellion:
lassa ch’el vola el coeur,
‘me cometta ai sabbion! ¹
 

¹ (cometta ai sabbion) aquiloni che i ragazzi facevano volare alla darsena del Naviglio, dove c’erano i mucchi di sabbia.