D’inverna, de là del Navili,
me paren tucc negher i ort;
chì e là, ona maggia de nev
la brilla d’on sô quasi smort.

On treno, impienii de rottamm
adasi, compagn de lumaga,
el passa pian a completà
on paesagg inscì desolaa.

Anmò pussée negher di ort,
duu merla, mari e miée
che incoeu hinn content anca lor,
saltando, se corren adrée.

De tanto temp mì ve vardavi nò,
ort del mè Navili ormai piantaa lì,
però incoeu ch’el me coeur el piang nò,
me parii di giardin tucc fiorii.