Quattordes de febbrar,
festa d’innamoraa,
festa particolar
de bosii obbligaa.

On mazzolin de fior?
Ma sì, a la mia miée!
Per l’altra on anellin?
E poeu se son ligaa?

Quattordes de febbrar,
la festa de l’amor,
‘na festa per pensà
se a tì te basta on fior,

‘na festa anca per piang,
piang de malinconia,
gh’è nanca pù l’invidia
per chì l’ha ricevuu.

Perchè a San Valentin
se manifesta amor
cont on ciccolatin,
oppur cont on bel fior?

Me se fà a vess content,
‘me se fà a pensà nò
ch’hinn domà compliment
per veggh on “quiproquò”?

Perchè l’è inscì cattiva
la mia granda tristezza
e ‘l sarcasmo a ferì
l’immensa tenerezza?

Quattordes de febbrar,
l’è minga bon de dì
vera paroll d’amor,
però el voeur famm capì.

Settaa giò sul divan,
finalment l’ha parlaa,
telecomand in man,
“Se te voeuret vardà?”

De domenica, gent,
calcio in television!
Col noster sentiment,
perchè giugà a scondon?

Quatter paroll domà
ch’hann casciaa via el velen,
perchè mì j hoo interpretaa:
“TE VOEURI TANTO BEN”


1993