Milan ch’el se moeuv

El traffich de Milan
l’è on traffich ordinaa,
se l’è paragonaa
a quell d’alter città.

La macchina la droeuvi
domà per fa la spesa,
perché vesin a mì,
gh’è nò el supermercaa,

se nò mi ciapi el tramm,
oppur anca el metrò,
a pée me pias andà
domà in del verd di pràa.

E ier, ona noità,
in quel del Giambellin:
on tramm de zecca noeuv,
gh’è nanca on basellin!

Me son settada giò
come su on’astronav,
ma i critich che hoo scoltaa,
podè nò immaginav:

che tropp adasi el va,
che l’è costaa tropp car,
in pée gh’è troppa gent…
e tutti eren scontent.

A quanta gent ghe pias
parlà per criticà,
ma meneghin l’è el coeur
ch’el difend sta città.

La mia Milan la va,
in aoto, in bus, in tramm,
a pée, cont i scalmann…
però la va, la va!

 aprile 2002